眼看店外有白色砖墙，店内色调比较复古，棕色系与白色砖墙配合，带来强烈对比。四周亦有多个黑板，写满店铺资讯，天花板更有粉笔画。而餐厅枱凳就以木纹装饰为主，店内仲有一个Bar枱，客人就可以坐喺Bar枱点嘢饮。整间铺头感觉都好年轻，同一般KFC嘅快餐形象完全唔同。
而且，店内设有电源插座，畀客人为手机充电或电脑使用，好贴心～
唔同时段 唔同餐牌呢一间分店营业时间分为四个时段，7am-10am係Morning时段；10am-2pm係Lunch时段；2pm-5pm係Cafe时段；5pm开始到收铺就係Bar时段。不同时段所卖嘅食物饮品亦有小小分别。
Lunch及Cafe时段主食除咗炸鸡，仲会主打鸡肉沙律及是日精选蛋糕，蛋糕味道有牛乳芝麻蛋糕、双层芝士蛋糕等等。饮品就特别提供黑咖啡、伯爵红茶及大吉岭茶等等。
午后时段菜单大检阅！而Bar时段嘅Menu就十分有惊喜，真係估唔到可以喺度可以食到呢啲美食！
40多款酒精饮品 任你拣
大家都知道韩风吹起一个食炸鸡配啤酒热潮，而家喺呢间分店都有得一边食啖家乡鸡，饮啖啤酒～其实，呢度提供超过40种酒精饮品，包括生啤、手工啤酒、鸡尾酒、红酒、白酒及1款特製碳酸啤酒等等。
要为大家推介嘅一定係呢款叫High Ball嘅特製碳酸啤酒，由KFC同Suntory啤酒厂一同研发，将秘制香料洒入啤酒，就立刻有泡泡冒出！
KFC 高田马场店
地点：东京都新宿区高田马场1-28-10
营业时间：7am-10pm（星期五、六营业到11pm）